भकुण्डेमा संचालित पाच दिने प्लास्टिक व्यबस्थापन तालिम सोमबार समापन भएको छ । समापन अवसरमा बोल्दै रेडक्रस जिल्ला शाखा सभापति जब्बर बहादुर लामिछाने प्लास्टिक लार्इ उचित व्यबस्थापन गर्न सके आर्थिक लाभ हुनुको साथै वातावरण सुधारमा सहयोग पुग्ने बताउनु भएको थियो । सभापति लामिछानेले तालिमअवधिभर सिकेका सिपलार्इ व्यवाहरमा उतार्न सहभागिलार्इ आग्रह गर्नुभएको थियो ।

कार्यक्रममा गाविस सचिव रीता पुन, नेपाल रेडक्रस सोसार्इटी समुदायिक विकास परियोजना अधिकृत मधुकर श्रेष्ठ, भैरव उच्च माविका प्रचार्य विष्णुप्रसाद शर्मा, प्रशिक्षक श्रीरेन्द्र पोखरेल, मिना ज्ञवाली, प्रेस चौतारी बागलुङका उपाध्यक्ष उमाकान्त शर्मा, महिला समन्वय समितिकी अध्यक्ष मुना थापा मगर, सहभागी अमृता थापा मगर, गंगा थापा मगर लगायतले मन्तव्य व्यक्त गर्नु भएको थियो । रेडक्रस भकुण्डे उपशाखाका सभापति खिमबहादुर थापा मगरको अध्यक्षतामा सम्पन्न कार्यक्रमको संचालन लक्ष्मी थापाले गर्नुभएको थियो ।

Date: 9/3/2012 6:08:09 पूर्वाह्न :: Yam Thapa