२२ बैशाख, भकुन्डे

गाँउले अगुवाइमा यहँको भकुण्डे गाउँ पर्यटकीय रूपमा आकर्षणको केन्द्र बन्दै गएको छ । तालमा डुंगा सयर गर्दै दुर्इ दर्जन हिमालको दृश्यावलोकन गर्ने र होमस्टेमा रमाउनका लागि भकुण्डे आकर्षक गन्तव्य बनेको छ । आकर्षक कार्यक्रमसहित गाउँ पर्यटनको नमुना बन्दै गएपछि भकुण्डेमा आन्तरिक पर्यटकहरू पुग्ने क्रम बढ्न थालेको छ । मगर समुदायको बाहुल्यता रहेको भकुन्डेमा होमस्टेको रूपमा पर्यटकलार्इ बस्ने व्यवस्था, सरसफाइ र स्वागतका लागि सांस्कृतिक क्रियाकलाप समेत गरिएकपछि आकर्षणको गन्तव्य बन्न थालेको हो । पर्यटनका लागि सरसफाइलार्इ पहिलो प्राथामिकतामा राखेपछि विदेशि पर्यटक पनि आकर्षित बन्दै गएको छ ।

सदरमुकाम देखि दुर्इ घन्टामा पुग्न सकिने भएकाले केवलकार निमार्णका लागि सर्भेक्षणको काम जेठ ७ गते हुने भएको छ । केवरकार निर्माण भएमा भकुन्डे नजिकै रहेको प्रसिद्ध भैरवस्थानमा जाने धार्मिक पर्यटकहरूसमेत थपिने आशा गरिएको छ । हरेक साता शनिवार र मंगलवार सयौ धर्मावलम्बि पुग्ने उक्त स्थानमा केवलकार पुर्याउन सकेमा साताका सवै वार पुजाआजाहुनका साथै धर्मावलम्बी अझै वढ्ने विश्वाससमेत लिइएको छ । गाउँमा पर्यटक भित्रयाउनका लागि स्थानीयले घरघरमा होमस्टेको सुविधा सुरू गरेका छन । त्यस्तै प्रत्येक घरमा पाहुना वस्न खोज्ने पर्यटकलार्इ पनि सेवा दिने अभियान संचालन गरेका छन । भकुन्डेबाट धवलागिरी, माछापुच्छ्रे अन्नपुर्ण, निलगिरि, मनास्लु लगायतका हिमशृंखला देख्न सकिन्छ । पाहुनाको स्वागतका लागि समेत स्थानीयले विभिन्न सांस्कृतिक कार्यक्रमहरूको व्यवस्था गर्छन ।

प्लास्टिकरहित घोषणा गरिएको भकुन्डेमा पर्यटन प्रवर्द्धन समिति गठन गरेर जिल्ला र क्षेत्रीय तहमा पनि समन्वयको कार्यक्रम अगाडि बढाएको छ । भकुन्डे ७ मा रहेको वराह तालमा डुंगा सयर गर्न सकिने र त्यसको उचित व्यवस्थापन गर्दै जानेमा जोड दिएका छन । दुर्इ हजार पाँच सय मिटरको उचाइमा रहेको भकुन्डेमा पर्यटन प्रवर्द्धन गर्न जिविस र गाविसले भ्यूटावर निर्माणको काम थालेका छन । निर्माणाधीन टावर संचालनमा आएपछि विदेशी पर्यटक पनि भित्रयाउन सकिने आशा लिइएको छ । उक्त टावरबाट हिमालको दृश्यसँगै बालुझङ, पर्वत र म्याग्दी सदरमुकाम पनि देख्न सकिन्छ । आएका सवै पाहुनाहरूलार्इ आराम साथ वस्ने व्यवस्था मिलाएइएको छ ।

Date: 5/5/2013 9:32:05 पूर्वाह्न :: Yam Thapa