भकुण्डे, १७ फागुन

नेपाल आदिवासी जनजाति महासंघ गाउं समन्वय समितिको आयोजनामा ३१ औं मगर दिवसको अवसरमा तिन दिने वापा मापा तालिम समापन भयो । तालिमका मगर बुद्ध समाजका केन्द्रिय प्रशिक्षक पूर्ण तारामि मगर र सिमा तारामि मगरले दिनुभएको थियो । तालिममा विभिन्न वाडहरूबाट १५ जना सहभागि भएका थिए । राम्रो कुरा धारण गर्नुनै धर्म हो भन्ने बाट सुरू गरेका प्रशिक्षकले जन्म मरण दुःख सुख र जिवन लार्इनै बुझ्नुपर्ने साथै राम्रो कुरा मात्र व्यवहारमा ल्याउनु पर्नेमा जोड दिनु भयो । त्यसतै गरि अर्का प्रशिक्षक सिमा तारमिले पनि कर्य व्यवस्थापनमा भूमिका खेल्नुभयो । तालिममा सहभागि सम्पूर्ण मगरहरूले आगामि दिनहरूमा बुद्ध संस्कार अनुसारनै पुजा पाठ गर्दा राम्रो साथै कम समय र खर्चमा हुने भएकाले गर्ने बताउनुभयो । तालिम एकदमै राम्रो भएको तर समय कम भएको सहभागिले गुनासो पोखेका थिए । समापन कार्यक्रमको अध्यक्षता खडक मगर, संचालन याम मगर, अतिथि मगर बुद्ध समाजका केन्द्रिय प्रशिक्षक पूर्ण तारामि मगर र सिमा तारामि मगर, बसन्त मगर, हिरा मगरले आआफ्नो मन्तव्य राख्नुभएको थियो । कार्यक्रममा सहभागि एवम प्रशिक्षक लार्इ हृदय देखि नै धन्यवाद दिदै कार्यक्रम समापन गर्नुभयो ।

Date: 3/1/2013 7:29:02 अपराह्न :: Yam Thapa