समाचार

Contact Info

Bhakunde vdc
Bhakunde, Baglung
Email: info@bhakunde.com.np

Phone: (068)

Bhakunde

पर्यटकको पर्खाइमा होमस्टे गाउँ भकुण्डे

पर्यटक लोभ्याउन यहाँको एक गाउँमा स्थानीयको पहलमा होमस्टे सञ्चालन गरेको वर्षदिन बित्दा पनि पर्यटकीय गतिविधिमा कुनै प्रगति हुन सकेको छैन । 
    सदरमुकामदेखि १४ किलोमिटरको दुरीमा रहको भकुन्डे गाविसमा सञ्चालित होमस्टे पर्यटन योजना सोचेजस्तो सफल हुन नसकेको सञ्चालकहरूले बताएका छन् । 
    गाविसको वडा नं २ देखि ४ सम्मका १० भन्दा बढी घरमा होमस्टे सञ्चालन गरिएको छ । सदरमुकादेखि नजिकै रहको भएपनि यातायातको सहज सुविधा नहुँदा पर्यटक आवातजावत गर्न असुविधा भएको स्थानीयहरू बताउँछन् । अग्लो पहाडी भूगोलमा अवस्थित उक्त पर्यटकीय गाउँ जिल्लामै पर्यटन विकासको राम्रो सम्भावना भएको गाउँ हो । 

    'डेढ वर्षअघिदेखि हामीले होमस्टे सेवा सञ्चालन गरेका छौँ' भकुण्डे- ३, कि स्थानीय निर्मला थापाले भन्नुभयो 'तर सोचेजस्तो पाहुना आउनुभएको छैन, प्रचारप्रसार पनि अलि नपुगेको जस्तो देखिन्छ ।' मगर जातिको बसोबास रहेको उक्त गाउँमा जनजातिको संस्कृतिसँग रम्दै त्यहाँको बसाइँ रमाइलो बनाउने अवसर पर्यटकले प्राप्त गर्दछन् । 
    हामीले हाम्रो समुदायमा रहेका घरेलु उत्पादन र परिकारहरूको पारिवारिक वातावरणमा उपलब्ध गराउँछौँ थापाले भन्नुभयो 'सुखद् र सुविधायुक्त बसाइँको लागि घरमा भौतिक स्रोतसाधन पनि थपिरहेका छौँ ।' होमस्टे सञ्चालन भएका घरमा अहिले धमाधम कोठा थप्नेदेखि सुविधायुक्त शौचालय निर्माण, स्वस्थ खानेपानी र भोजनको सुविधाका लागि आवश्यक व्यवस्था भइरहेको सोही स्थानकी चण्डी थापाले बताउनुभयो । 
    'पारिवारिक वातावरणमा रमाइरमाइ बस्ने, यहीको उत्पादन प्रयोग गर्ने व्यवस्था गरेका छौँ' थापाले भन्नुभयो 'घुम्न आउने पर्यटकका लागि मकैको रोटी, कोदोको ढिँडो, आलु, मकैभट्ट, स्थानीय कुखुराको मासुजस्ता परिकार टकार्ने गरेका छौँ ।' होमस्टे सुरु भएको डेढ वर्षको अवधिमा एकाध घुम्न आएका टोली र व्यक्तिहरूको सत्कार गर्ने अवसर पाएपनि नियमित पर्यटक आवातजावत हुन नसकेको सञ्चालकको दुखेसो छ । 
    होमस्टे सञ्चालन कार्यविधि ऐनअन्तर्गत दर्ता गरेरमात्र होमस्टे सञ्चालन गर्नुपर्ने प्रावधान भएपछि महिलाहरू समूह बनाएर दर्ता गर्ने तयारीमा लागेका छन् । 
अहिलेसम्म दर्ता नगरी स्थानीय पहलमै होमस्टे चलाएका महिलाहरूको समूह मिलेर दर्ता गर्ने योजना रहेको नैनीकला थापाले बताउनुभयो । स्थानीय मगरजातिका महिलाहरूले पर्यटक आउँदा होमस्टेमै मगर संस्कृति झल्कने भजन, सोरठीलगायतका सांस्कृतिक झाँकीहरू प्रदर्शन गर्ने गरेका छन् । 'हामी पर्यटकको पर्खाइमा छौँ, पर्यटकलाई रमाइरमाइ बस्न र पूर्णतया पारिवारिक वातावरणमा सेवासुविधा दिन हामी तयार छौँ' थापाले भन्नुभयो । 
भकुन्डेसम्म आउने पर्यटन मार्गको सही व्यवस्थापन र यातायातको सहज विकास भइदिए होमस्टे पर्यटन फस्टाउने थापाको आशा छ । भकुन्डेको पर्यटन प्रवद्र्धनमा महत्वपूर्ण ठानिएको होमस्टे पर्यटनको विकासमा अन्य संस्थाहरूले पनि जोड दिएका छन् । उद्योग वाणिज्य सङ्घ बागलुङ्ले होमस्टेका सञ्चालक महिलाहरूका लागि क्षमता बढाउने तालिम प्रदान गर्दै आएको छ । 
'भकुन्डे जिल्लाकै महत्वपूर्ण पर्यटकीय क्षेत्र हो, यसको प्रवद्र्धन गर्नु जरुरी देखिएको छ' उद्योग वाणिज्य सङ्घका अध्यक्ष बसन्तकुमार श्रेष्ठले बताउनुभयो । स्रोतसाधनको उपलब्धता र पूर्वाधार विकासको कामलाई अघि बढाउनु आवश्यक छ ।
 भकुन्डेबाट एकसाथ दुई दर्जन हिमशृङ्खलाहरूको अवलोकन गर्न सकिन्छ । मगर समुदायको उत्कृष्ट संस्कृति र पहिचान हेर्न र अनुभूति गर्न भकुन्डे राम्रो गन्तव्य मानिन्छ । पर्यटन विकासको लक्ष्य राखी भकुन्डेको धुरीमा भ्यू टावर निर्माणको काम पनि अघिबढेको छ । मुलाबारी, दह, सौर्यको धुरीलगायतका स्थानहरू भकुन्डेको आर्कषक पर्यटकीय स्थलहरू हुन् । रासस

 

Date: 11/5/2015 6:22:50 अपराह्न :writer: Yam Thapa

Powered by Disqus

बा.न.पा १० भकुण्डेको कृषि अवस्था

नेपालको विकासको मेरुदण्डको रुपमा कृषि पेशा र कृषि आयले लिएको हुनाले अघिकांश नेपालीहरुको कृषि पेशा नै प्रमुख पेशा भएको र झण्डै ६६ प्रतिशत जनता कृषिमा नै आस्रित रहेको कृषि तथ्यांकमा अधावधिक रहेको छ । यहाँका कृषकहरुले प्राय: परम्परागत एवं निर्वाहमुखी खेती प्रणाली अपनाउँदै आएको परिप्रेक्ष्यमा ब्यवसायिक more..

क्यापिटल शिक्षा सदन बोर्डिङ

नाम - क्यापिटल शिक्षा सदन बोर्डिङ  अवस्थित - बा.न.पा १० भकुण्डे स्थापना - २०६४ संचालित कक्षा  - १-४ जम्मा विद्यार्थी -९३  जम्मा शिक्षक -९   भवन - ३ सुविधा - संचार, विधुत, कम्प्युटर, पिउने पानी, खेल मैदान, मोटर बाटोले छोएको,

शिवालय नि मा वि

नाम - शिवालय नि.मा.वि. अवस्थित - बा.न.पा १० भकुण्डे स्थापना - २०५४ संचालित कक्षा  - १-७ जम्मा विद्यार्थी - १५३ जम्मा शिक्षक - ९ भवन - २ सुविधा - संचार, विधुत, पिउने पानी, खेल मैदान, मोटर बाटोले छोएको, विद्यालय व्यवस्थापन समिति क्र.म पद नाम ठेगना १ अध्यक्ष सोम more..

Slide Show

बराह ताल मुला बारी तान हिरा ताल देउराली थान कुथुकर्म गोधुली साझ बराह ताल भैरव उच्च मा.वि चौउतारे डाँडा मा.वि शिवालय नि.मा.वि माछापुच्छ्रे प्रा.वि बराह प्रा.वि. डाँडखर्क गलुवा प्रा.वि. जनता प्रा.वि. सरस्वति प्रा.वि. Landscape Landscape Baraha Tal (Lake) Landscape Shiva Temple Landscape Landscape Bhakunde Mahotsav 2011 Bhakunde Mahotsav 2011 Bhakunde Mahotsav 2011 Bhakunde Mahotsav 2011 Bhakunde Mahotsav 2011 Bhakunde Mahotsav 2011 Bhakunde Mahotsav 2011 Bhakunde Mahotsav 2011 Bhakunde Mahotsav 2011 Bhakunde Mahotsav 2011 Bhakunde Mahotsav 2011  Bhakunde Mahotsav 2011 Bhakunde Mahotsav 2011 Bhakunde Mahotsav 2011 Landscape Landscape Landscape Landscape Landscape Landscape Landscape Landscape Events Bhairav Higher Secondary School... Chautare Danda High School... Shivlaya Lower Secondary School... Machhapuchchhre Primary School... Dhandkhark Primary School... Baraha Primary School... Janata Primary School... Saraswati Primary School... Capital Shiksha Sadan... View Tower Manakamana Temple

Highlights

लोक सेवा आयोग
http://www.psc.gov.np

भ्यू टावर
भ्यू टावर - भुरे टाकुरे राज्यकालका राजा महाराजाहरू मौसम अनुसार बसेको झझल्को दिने खालको ओखल, भाग्नावशेस र जिल्लाबाट पुष्टी हुने दुई दर्जनभन्दा बढी हिम चुचुराका साथै पर्वत र स्याङ्जा, कास्की, पाल्पा more..